ANG MGA PINOY AT ANG SISTEMANG PALAMUNIN - ( By Respico )

Kapansin-pansin na ang mga Pinoy ay lagi na lang nagrereklamo sa gobyerno na kulang ang kanilang ginagawa para mapaganda daw ang pamumuhay ng mga Pinoy. Animo’y halos lahat ng mga pangunahing pangangailangan ng mga Pinoy ay dapat ibigay ng gobyerno dahil meron daw silang karapatang kumain, magkaroon ng maayos na tahanan, makapag-aral, at mabuhay. Kung tutuusin, responsibilidad dapat ng isang tao na pakainin ang sarili at mga mahal sa buhay, bigyan ng maayos na tahanan ang sarili at ang kanyang pamilya, pag-aralin ang kanyang mga anak, at magkaroon ng maayos na pamumuhay. Isang personal na tungkulin at responsibilidad ang bigyan ng magandang buhay ang sarili at ang kanyang mga mahal sa buhay. Ngunit sa mga Pinoy, gusto nila na ang buwisit na gobyerno ang magpalamon sa kanila, magbigay sa kanila ng bahay, magpa-aral ng libre, at magbigay ng libreng condom. Mistulang ayaw ng mga Pinoy ang resposibilidad kahit para na sa sarili ang gagawin, siguro dahil ayaw nilang sisihin ang kanilang mga sarili kung sakaling magkamali sila sa kanilang mga nagawa. Kaya nanatili nang bulok ang pamumuhay ng mga Pinoy dahil ayaw nilang matuto sa mga pagkakamali na kanilang nagawa, at nakuntento na lang sa kabulukan ng kanilang pamumuhay.

Ang mga Iskolar ng Bayan, Sila na nga pinag aaral ng Libre
ng taong bayan angal pa ng angal, Nag wa-walk out pa sa klase
para mag rally.. Mag aral nalang kayong Mabuti.

                Kung oobserbahan ang mga nagra-rally laban sa gobyerno, karamihan sa mga ito ay pawang mga Pinoy na umaangal dahil kulang daw ang ginagawa para sa kanila. Kumbaga sila na nga ang tumatanggap ng libre, sila pa ang galit. At ang gusto pa yata ay lahat ng mga pangangailangan nila ay ibigay ng gobyerno at halos wala na silang gagawin. Alam naman natin na galing sa buwis na ibinibigay ng mga taxpayers ang ipinanggagastos para sa mga Pinoy palamunin na ito, ngunit kahit kalian ay hindi ko pa naririnig na nagpasalamat ang mga taong ito sa mga taxpayers lalo na sa mga honest kung magbigay ng kanilang buwis. Habang nagkakakuba ang mga manggagawa para mabuhay ng maayos at kinakaltasan sila ng buwis sa kanilang kinikita, ang mga palamunin este ang mga Pinoy naman ay pakuyakuyakoy na lang at din a kailangang magbanat ng buto dahil nandyan naman ang epal na gobyerno para alagaan sila.

                 Kaya dahil sa ganitong sistema ng welfare state ay nagkakaroon ng pagkakataon ang mga pesteng mga pulpolitiko na abusuhin ang pera ng taong bayan at pinagmumukha nilang naglilingkod daw sila sa bayan at mistulang nagmumukhang importante sila sa publiko. Kaya kung mapapansin ay gustong-gusto nilang gumastos para daw sa ikakabuti ng mga Pinoy dahil hindi naman nila pera ang ginagastos nila. Ngunit ang totoo ay nagiging daan lamang ito para makapagnakaw sila sa taong bayan para pagyamanin ang kanilang mga sarili. Talaga namang nakakabuwisit ang mga animal na ‘to. Maniniwala ba kayo na concern nila ang buhay ng mga Pilipino pero patuloy pa rin sa paglala ang kahirapan sa Pinas. Gusto lang nilang bolahin ang mga Pinoy para manatili sila sa kapangyarihan sa pamamagitan ng pamimigay ng mga libreng bagay na kung tutuusin ay wala namang naitutulong sa ikakaahon ng mga Pinoy mula sa kahirapan. Bagkus ay kinukunsinte pa ng mga pulpolitiko ang katamaran at katangahan ng mga Pinoy. Ang realidad ay wala talagang naitulong ang pamimigay ng mga libreng bagay sa mga Pinoy para mabawasan ang kahirapan sa Pinas; ngunit patuloy pa rin sila sa paglustay ng pera ng taong bayan na nagpapalala pa ng kahirapan sa mga Pilipino dahil lahat ng iginagastos para sa mga welfare projects ay pawang di sapat sa mga Pinoy na palamunin kaya gusto pa ng mga pulpolitiko na mas mataas na pondo para sa mga walang silbing proyekto na ito. Hindi aaminin ng mga animal na mga pesteng mga pulpolitiko na ito na walang naitulong ang pamimigay ng mga libreng bagay sa mga Pinoy dahil mawawalan sila ng nanakawin at mawawala ang impluwensiya nila sa mga Pinoy.

Kung Makapag Bida ng nagawa akala mo sariling Pera nila yung Ginamit!! 

               Tila nakatigasan na ng mga Pinoy ang ganitong pag-uugali, kahit pagsabihan sila na kailangan nilang baguhin ang kanilang asal ay tila hindi nila ito papansinin at bagkus ay magpapakamanhid na lang at ipagpapatuloy ang kabulukan na meron sila. Ang gagawin pa ng ibang mga Pinoy ay sisihin ang korupsyon sa gobyerno na sanhi daw ng kahirapan sa Pinas at napaniwala sila sa propaganda ng mga oportunista na “kung walang corrupt, walang mahirap.”

Mas kailangan namin ay Trabaho para maitaguyod ang 
aming sarili, Pero pwede na din ang Libreng Tsinelas !! 

                Hindi na natutunan ng mga Pinoy na i-manage ang kanilang mga sarili at inaasa na lang sa gobyerno o sa ibang tao ang pag-aalaga sa kanila. Nakadepende na lang sila sa ibinibigay ng gobyerno at mistulang mga alipin sila sa mga pulitiko na walang paki-alam talaga sa pamumuhay ng mga Pinoy. Kahit condom ay gusto pang iasa sa gobyerno kahit sa pribadong gawain naman gagamitin ito.

                Ang sistema ng welfare state or nanny state (sistemang palamunin) ay isa sa mga sanhi ng pagkalugmok ng mga Pinoy sa matinding kahirapan dahil hindi natutunan ng mga tao na magsikap para maka-ahon sa kahirapan at umaasa na lang sa mga libreng bagay na ibinibigay ng gobyerno. Nagiging pagkakataon din ito sa mga buwisit na pulpolitiko na makapagnakaw sa pera ng taong bayan at nagbibida-bidahan sa publiko na animo’y nasa kanila ang solusyon sa problema ng kahirapan. Dapat nang itigil ng mga Pinoy ang pagiging palaasa sa gobyerno sa paglutas sa mga problema nila at bagkus ay umpisahan nang bigyang halaga ang sariling sikap at matutunan nang maging responsable sa pagmanage sa kanilang mga sarili.


Respico...

https://www.facebook.com/respico.tudutera.9
http://www.youtube.com/user/respico