Ang “Proud to be Pinoy” ay Isang Kalokohan - By Respico

Madalas sabihin ng pangkaraniwang Pinoy na ipinagmamalaki niya ang pagiging Pinoy, ang phrase na “proud to be Pinoy/Filipino ay karaniwan nang naririnig sa mga kababayan natin sa Pinas at sa ibayong dagat. Karaniwan ng nakikisawsaw ang mga Pinoy sa kagalingan ng ibang Pinoy na animo’y may naging kontribusyon sila sa nakamit na achievement o tagumpay ng ibang tao, at kung makapagyabang ay sobra-sobra. Pinagmumukhang magaling ang lahing Pinoy kahit sa kabila ng katotohanan na naghihirap ang mga tao sa Pinas at malala pa rin ang kalagayan ng pamumuhay ng mga Pinoy. Bakit ba ginagawa ito ng mga Pinoy at ano ba ang narating ng mga Pinoy sa kakaganito nila?

           

     Marahil ay gusto ng mga Pinoy na matawag na magaling kahit wala silang ginagawa at gustong makapagyabang sa ibang tao; ugali na rin siguro ng mga Pinoy ang pagiging mayabang. Kaya kapag may isang kababayan sila na may nakamit na tagumpay sa ibang bansa o kapag may isang Pinoy na nanalo sa isang international competition ay mistulang magaling ang tingin sa sarili at syempre magyayabang. Siguro may kakaibang pakiramdam sila kapag nakakakita ng isang kapwa Pinoy na nagtatagumpay na nagtutulak sa kanila para makapagyabang at magmalaki. Tapos nakikisakay pa ang mga taga-media at lalo pang palalalain ang kahibangan ng pagyayabang ng mga tao. Naging ilusyon na ang paniniwalang “Proud to be Pinoy” kaya kahit nabubuhay na sa matinding kahirapan ang mga Pinoy ay binabalewala na lang ito at itinataon na lang ang atensyon sa pagmamalaki sa pagiging Pinoy dahil sa kagalingan ng ibang tao.

Umiiwas na lang ang mga Pinoy sa realidad ng buhay at nilalasing na lang ang kanilang mga sarili sa ilusyon na magaling sila dahil magaling ang isang kapwa nila Pinoy.

Hampas Lupa na pamumuhay ng iba nating kababayan , Proud to be Pinoy

Add caption

Sa sobrang pagnanasa nila na makapagyabang ay kahit ang mga bagay na hindi sila ang may gawa ay ipinagmamalaki nila. Halimbawa na lang ang mga magagandang lugar sa Pinas, wala pa sigurong tao sa Pinas ay nandyan na ang mga lugar na yan. Pero sa totoo lang, tignan natin kung paano lapastanganin ng mga Pinoy ang kanilang paligid, walang pakundangan kung magkalat at babuyin ang kanilang lugar. Kinailangan pa ng mga ordinansa at batas para hindi makapagkalat ng basura, kung tutuusin kapag may kalinga o pangangalaga ang mga tao sa paligid ay hindi na ito kailangan at kusa nang magiging malinis sa paligid. 

Mga Taong Puro Rally pero Mga kulang naman sa Talino, at hindi naman talaga alam ang totoong Pinag lalaban. PROUD TO BE PINOY

Ayaw tignan nga mga Pinoy ang kanilang mga kabulukan at dedma na lang sila kapag binabatikos ang realidad ng kanilang pamumuhay. Tignan natin sila kung paano sila pumili ng mga kandidato para sa isang public position sa local at national government. Talaga namang nakakahiya ang mentalidad ng mga Pinoy sa pagpili ng iluluklok sa pamahalaan at gusto kong malaman kung “proud to be Pinoy” pa rin sila sa ganitong bagay. May mga Pinoy na kumakain ng pagpag at gusto kong malaman kung “proud to be Pinoy” pa rin sila. Minsan nang napabilang sa worst airport sa buong mundo ang NAIA Terminal 1, ano, “proud to be Pinoy” ba sila? Ang Pinas ay may isa sa pinakamataas na presyo ng kuryente sa mundo, pero hindi na ito pinapansin ng mga tao bagkus ay proud sila sa ilang pirasong Pinoy na nagbigay daw ng karangalan sa bayan. Maraming mga Pinoy ang napipilitang umalis ng Pinas at nakikipagsapalaran sa ibang bansa para kumita at mabigyan ng mas magandang buhay ang kanilang mga pamilya at sarili; dahil dito ay napipilitang mapalayo sa kanilang mga mahal sa buhay ang mga Pinoy na kung minsan ay nauuwi sa pagkawasak ng pamilya at pangungulila ng kanilang mga anak, at binabalewala na lang ito ng mga mayayabang na Pinoy.            

Stupid ang tingin saatin ng Time magazine - PROUD TO BE PINOY

Ano na ba ng narating ng kayabangan ng mga Pinoy at saan na dinala ng paniniwalang “Proud to be Pinoy” ang mga Pinoy at ang Pinas? Wala! Nandoon pa rin sa kayabangan at nakikisawsaw pa rin sa kagalingan ng ibang tao. Kahit ang half Pinoy ay pinapatulan na rin para lang may maipagyabang. Sa tingin ko kaya nagging successful ang isang half Pinoy ay hindi dahil may lahing Pinoy siya kundi may lahing banyaga siya.

Kahit ipag sigawan ng mga Pinoy na Proud sila hindi pa din matapos tapos ang Pinaka simple at paulit-ulit  problema sa Baha, PROUD TO BE PINOY

Kung magaling ang mga Pinoy bakit naghihikahos pa rin sa buhay ang maraming Pilipino at lalo pang naghihirap ang Pilipinas? Kung maaari sana ay itigil na ang kahibangang ito ng mga Pinoy at simulan nang tanggapin ang katotohanan na nasa sariling sikap ang pagiging matagumpay at hindi na lang nakikisakay parati sa sikap ng ibang tao. Ang pagiging mayabang ay nagdudulot lang ng kahihiyan at kapahamakan at dapat nang bigyang halaga sa sarili ang pagiging mapagkumbaba.

Proud to be Pinoy -  Sang katutak ang walang trabaho, May Job opening nga Contractual naman, may age limit pa na 25 years old, at ang iba under employed, underpaid, at pag wala ka ng mahanap na trabaho mag sisiksikan ka sa Abroad para doon naman mag trabaho, Proud to be Pinoy.